شوێنه‌وار ناسی - باستان شناسی

به باوه‌ڕ هێنان به‌م ڕاستییه که مێژووی هه‌ر نه‌ته‌وه‌یێک ئاوێنه‌ی ناسنامه و که‌سایه‌تی ئه‌م نه‌ته‌وه‌یه و به‌م پێیه ئه‌رکی سه‌رشانی هه‌ر تاکێکی کۆمه‌ڵگایه که مێژووی پڕ له هه‌وراز و نشێو و پڕ له ئازایه‌تی و شانازی خۆی به گه‌لانی تر بناسێنی و خاوه‌نداری له ناسنامه‌ی مێژوویی خۆی بکات ، ئامانجی سه‌ره‌کی ئه‌م په‌رتووکه به‌م شێوه‌یه ده‌ستنیشان ده‌که‌ین :
1 . ئاوڕدانه‌وه‌یێک بۆ سه‌ر مێژووی کۆنی گه‌له‌که‌مان
2 . ناساندنی ئاقار و شوێنه مێژووییه‌کانی کوردستان
3 . ڕاپۆڕت و هه‌واڵی لێکۆڵینه‌وه مێژوویه‌کان و تاووتوێ کردنیان
4 . سازدانی ژێربنه‌مایه‌کی فه‌رهه‌نگی بو پارێزگاری له ئاسه‌واره مێژووییه‌کان
5 . ناساندن و دۆزینه‌وه‌ی سه‌رچاوه‌ مێژووییه‌کانی کورد و کوردستان له ناو لاپه‌ڕه‌کانی مێژوو دا
6 . هه‌وڵ و تێکۆشان بۆ سازدانی یه‌که‌مین ئه‌نجومه‌نی پارێزگاری له مێژووی کورد
7 . دابین کردنی شوێنێک بۆ یه‌کگرتنه‌وه‌ی هۆگران و کارناسانی کۆنینه‌ناسی و مێژووی کورد
به‌م شێوه داوا له هه‌مو هۆگران و فه‌رهه‌‌نگ دۆستان و کارناسانی بواری مێژوو ده‌که‌ین که بۆ چڕوپڕ کردن و به‌هێز کردنی ئه‌م په‌رتووکه مێژووییه یارمه‌تیمان بده‌ن و پێوه‌ندیمان پێوه بگرن و بیر و ڕای خۆیان سه‌باره‌ت به ووتار و هه‌واڵ و ته‌واوی ئه‌م نوسراوانه‌ی که لێره‌وه بڵاو ده‌کرێنه‌وه بدرکێنن .
وێڕای ڕێز و سپاس
به‌ڕێوه به‌رایه‌تی وێبلاگی هه‌توان
09149428226